2026ko lehenengo hiruhilekoan dualtasun garbia nagusitu da finantza-merkatuetan: lehenengo erdiak tonu positiboa izan du, zeren merkatuak 2025ean adierazitako gogo ona mantendu baitu; horren ostean, otsailaren 28tik aurrera, bat-bateko aldaketa bat gertatu da, Estatu Batuek eta Israelek Iranen aurkako ofentsiba bateratua abiatu zutenean.
Urte berria, kotizazio berria. 2026an, Erregimen Orokorraren kotizazio-oinarriak gorantz eguneratuko dira, 2025ekoen aldean, bai gutxieneko oinarrian eta bai gehieneko oinarrian. Gutxieneko oinarriari dagokionez, 2026an 1.381,20 €-koa izango da hilean (2025ean, 1.260 €-koa zen); beraz, oinarri hau % 9,6 igo da, gutxi gorabehera. Eguneraketa horrek bermatzen du ezein kotizazio-oinarri ez dela geratuko legezko gutxieneko mugaren azpitik (zeren Lanbide arteko Gutxieneko Soldata gehi seiren bat baita).
2025ko laugarren hiruhilekoak itxi zuen ekitaldian, finantza-merkatu europarrek eta globalek finkatu egin zuten, orokorrean, arriskua hartzeko joera, zerga- eta diru-pizgarrien laguntzari esker; hala, burtsak maximo historikoetara iritsi ziren, eta kreditu-diferentzialak minimoetara jaitsi ziren.
Mendetasuna hazten ari da Espainian, eta urtez urte gero eta familia gehiagok behar izaten dituzte iraupen luzeko zaintzak. 2022 eta 2025 bitartean, eskarien kopuruak hazten jarraitu du eta, prestazioa onartzen duten ebazpenak ere hazi diren arren, sistemaren erritmoa ez da iristen eskari osoari erantzutera; oraindik ere badira itxaronaldiak, atzerapenak, eta zaintzen kostu errealera iristen ez diren laguntzak.
Aldi Baterako Ezintasuna (aurrerantzean, ABE) finkatu egin da Espainiako lan-harremanen arloko erronka nagusien artean. 2025eko ekainean, zifrek erakusten zuten gora egin dutela bajen kopuruak, absentzia-egunek eta atxikitako kostuek, eta horrek zuzeneko inpaktua du langileengan, enpresetan eta sistemaren jasangarritasunean.
2025ean, berrikuspen fiskal bat egin da Euskal Autonomia Erkidegoko hiru lurralde historikoetan, eta gizarte-aurreikuspena da horren alderdi esanguratsuenetako bat.
Argitalpen honen helburua da gizarte-aurreikuspenaren arloko gai orokor eta esanguratsuenak argitzea, bi bloke handitan banatuta:
Bilbao Basketek eta Surnek babesa bost sasoiz luzatzeko akordio bat sinatu dute; horren arabera, Surnek naming partner izaten jarraituko du 2031. urtera arte. Akordio horren bidez, lehenengo taldea Surne Bilbao deituko da aurrerantzean, eta izen ofizial horrekin lehiatuko da Endesa Ligan eta FIBA Europe Cup-en. Aliantza historiko hori Surnek bere 120. urteurrena ospatzen duen urtean lotu da; bilbotar klubak, berriz, bere historiaren lehenengo mende laurdena ospatzen du.
2025eko ekainaren 30ean, Gizarte Segurantzak 2,6 milioi pentsio baino gehiago zituen indarrean alarguntza eta zurztasunagatik. Zuzeneko senide baten heriotzaren ostean egonkortasun ekonomikoa eskaintzera zuzendutako prestazio horiek funtsezko zutabea izaten jarraitzen dute, baina kasu askotan ez dira aski izaten onuradunen behar guztiak betetzeko.
2025ko hirugarren hiruhilekoaren ezaugarri nagusia izan da finantza-merkatuen joera positiboaren jarraikortasuna, AEBen eta munduko gainerako herrialdeen arteko muga-zergei buruzko negoziazioetan aurrerapenak lortu diren neurrian. Oraindik ere akordio batzuk lotu gabe egon arren, eta AEBek inportatzen dituen ondasunei aplikatutako batez besteko muga-zergaren oraingo egoera urtearen hasierakoa baino askoz ere handiagoa izan arren, albiste ona da ez garela iritsiko -seguruenik- apirilean iragarritako maila neurrigabeetara.