Urtearen garai honetara iritsita, pertsona asko pentsio-planez gogoratu ohi dira, epe laburrerako zerga-kenkariei begira; beste batzuk, berriz, gure gizartearen zahartzearen ondorioz erretiro-sistemak duen etorkizun zalantzagarria gogoan izanik.
Hedabideek gogoratzen digute, noizean behin, etorkizun zalantzagarriak alternatiba osagarrien plangintza arrazoitu bat eskatzen duela, hau da, etorkizun lasaiagoa eta itxaropentsuagoa nolabait bermatzen duten alternatibak behar dituela.
Esaten genuenez, urtez urte errepikatzen den diskurtso astun hau nekez helarazi dakieke gazteei, zeren irteerako lerroan baitaude, edo euren lehenengo kilometroak egiten ari dira lan-bizitzaren bidean. Horren arrazoia izan daiteke, nonbait, helmuga urrun ikusten dutela eta etorkizunean arazoa konponduta egongo dela sinesten dutela . Gerta liteke, halaber, ez ulertzea guztiz ondo zein den aurrez aurre duten eszenarioa.
Egon badira irtenbideak, eta asko jadanik planteatuta daude eta gauzatzen ari dira. Baina, batez ere, kontzientzia hartu behar da gazte-gaztetatik, baita familia-nukleotik ere, eta garrantzitsua da egiazko informazioa bilatzea eta baliabideak ahalik eta goizen aurrezten hastea, etorkizunerako.
Gogoan izan behar dugu munduak aurrera egiten duela eta aldaketak gero eta handiagoak direla. Iraganeko kontzeptuek ez dute iraungo etorkizunean, eta aurreikuspena eta etorkizuneko arazoak konponduko dizkiguten produktuen bilaketa dira gaitz larriagoak saihesteko irtenbiderik onena.
Esan ohi da urtearen amaiera asmo berrien eta aurreko guztiari errepasoa egiteko garaia dela. Aurreikuspen pertsonal eta kolektiboa, dela pentsio-planen bitartez dela beste finantza-/aseguru-irtenbideen bitartez, gure asmo eta gomendioa izan beharko litzateke etorkizun lasairako.
Bilbao Basketek eta Surnek babesa bost sasoiz luzatzeko akordio bat sinatu dute; horren arabera, Surnek naming partner izaten jarraituko du 2031.
