Imagen de cabecera noticias

“Vissi”, “Gaitero”, “Hang Loose”, “Rooster” eta “Bacilón” izan dira XV. SURNE Estropada - 55. Eskarra Sariaren irabazleak, Abran

12 Ekaina 2019
Vela: XV Regata SURNE - 55è Trofeu Eskarra

30 itsasontzik parte hartu dute 1964an lehenengo aldiz egin zen proba historiko honetan.

Abrako bizkaitar urek hartu zuten Abrako Errege Itsas Klubak – Errege Sporting Klubak antolatutako XV. SURNE Estropada - 55. Eskarra Saria. Eta berriro ere, ia udan egon arren, euririk gabeko egun batean egin zen; izan ere, orain dela edizio gutxira arte hori zen bela-sasoiaren estropada garrantzitsuenei hasiera ematen dien zita honen ezaugarria. Gurutzaontzien arteko bi ibilbideen ostean, Juan Valdiviaren “Gaitero” nagusitu zen Estropada klasean, Iñigo Axperen "Hango Loose" 1. Gurutzaontzi klasean, Miguen Arriolaren "Rooster" 2. Gurutzaontzik klasean, eta José Miguel Francoren "Bacilón” D. klasean. Hiru ibilbideren ostean, J 80 klaseko monotipoen artean Juan Llanoren “Vissi" nagusitu zen –monotipo horiek Espainiako Txapelketan parte hartuko dute datorren astean, Santanderren, eta hilabete pasatxo Getxoko Mundu Txapelketan-.

SURNE Estropada – Eskarra Saria Areetako Klubaren egutegi zabaleko lasterketa garrantzitsuenetako bat da, eta Kantauriko tripulaziorik onenak beti saiatzen dira haren garaikurra lortzen. Hogeita hamar bat itsasontzik parte hartu zuten 1964an sortutako proba honetan; izan ere, euskal belaren historian ospe handia hartu duen tradizio luzeko proba hau urte hartan egin zen aurreneko aldiz. 55 urte igaro eta gero, “Gaitero” Estropada klasean nagusitu zen, beraren atzean Javier Onaindiaren “Symphony”, Javier Chávarriren “Rat Pack” eta Carlos Maidaganen “Despeinada” zituela; ibilbide guztiak ipar-ekialdeko haizeekin egin ziren, 16 eta 18 korapiloko bitarteko abiaduraz. “Hango Loosek”, berriz, iazko garaipena errepikatu zuen 1. Gurutzaontzi klasean, eta haren atzetik Ángel Herreríasen “Go Blue”, Javier Sanchidriánen “Kantarepe Iru” eta Javier Truebaren “Nexus” iritsi ziren. Beste alde batetik, 2. Gurutzaontzi klaseko itsasontzirik onena “Rooster” izan zen, eta beraren atzetik “Marmotinha”, “Aizian”, “Ramper”, "Txankletas”, “Émilu” eta "Haize Lore” heldu ziren. “Bacilón" D klasean nagusitu zen, eta “Vissi” J80ko Espainiako Txapelketaren eta Munduko Txapelketaren hiru prestatze-ibilbideetan; txapeldunordea Ramón Zubiagaren “Mandovi” izan zen (hiru bigarren postu) eta podioko hirugarrena Tomás Truebaren “J80 Worlds 2019 Getxo”. Gonzalo Chávarriren “Fin Gol Fin" laugarren iritsi zen, eta haren atzean Jesús Ángel Salazarren “Katxarro”, Leticia Gandariasen “Ave Fenix” eta Lourdes Bilbaoren “Siemens Gamesa” sailkatu ziren.

Noticias Relacionadas

12 Ekaina 2019
WOP Fundazioak “WOPahate” jasangarri eta biodegradagarriak jarri ditu Bilboko itsasadarreko lasterketan, lehengo ahateen ordez.
7 Ekaina 2019
Ekainaren 8an, larunbata, 13:00etatik aurrera, SURNE Estropada-Eskarra Sariak hasiera emango die puntako zitei, Abran.
23 Maiatza 2019
Guztiok dakigu, ondo jakin ere, ez dagoela bi pertsona berdinik. Bada, gauza bera gertatzen da aseguruen agente eta artekariekin.