Surne, maiatzean errentagarritasun positiboak izan dituzten 4 Pentsio-kudeatzaile bakarren artean

Banakako sistemaren pentsio-planek eta BGAEek kudeatutako ondarea - % 1,17 jaitsi zen maiatzean, eta, hortaz, guztira kudeatutako zenbatekoa 90.436 milioi euro izan ziren; aurreko urtean, berriz, 91.508 milioi izan ziren. Hilabete horretan 87 milioi euro inguruko diru-itzulketa garbiak egon ziren.
 
Beste hilabete batez, Caixabank mantendu da ondare gehien kudeatzen duen talde gisa, % 27,20ko kuotarekin. Bigarren postuan BBVA dago, % 17,97rekin, eta Santanderrek rankinga osatzen du % 12rekin. Guztira, bankuek –orokorrean- pentsio-planen eta BGAEen ondare osoaren % 79,30 kudeatzen dute, eta haien atzetik kreditu-sozietate kooperatiboak (% 5,67) eta talde independenteak (% 5,71) datoz.
 
Errentagarritasuna
Errentagarritasun aldetik, kudeatzaile nagusien artean Caser izan da maiatzean modu positiboan amaitu duen bakarra, % 0,32rekin.  Beraren atzetik March dator, - % 0,03ko jaitsierarekin, eta Liberbank Vida y Pensionesek - % 1,10 egiten du atzera atal honetan.
Kudeatzaile independenteen artean, hilabetea errentagarritasun positiboarekin amaitu duten bakarrak honako hauek dira: Cobas Pensiones, % 6,72rekin, GVC Gaesco, % 0,43rekin, eta Surne, % 0,02rekin.