Beste urte batez, Lointek GERNIKA KESB saskibaloi taldearekin kolaboratuko du SURNEk. Apustu ziurra denboraldi berri honetarako, ilusioz betea eta Lointek Gernika KESB taldearekin batera; izan ere, SURNE erabat identifikatzen da taldeko jokoaren eta izaeraren balioekin. Haiei esker, emakumezkoen saskibaloian grinak pizteko gai da Lointek.
Ángela Martínez de Aranok, SURNEren Kontroleko arduradunak, Gernika taldeko presidente Gerardo Candinarekin sinatu zuen akordioa, eta honako hau azaldu zuen: “talde baten espiritua harago doa eta bere zaleei eta oro har gizarteari transmititzen dizkio balio horiek. SURNEk ere bere DNAn ditu: zerbaitegatik daramatzagu 115 urte baino gehiago bizkaitarrak babestuz. Gernika KESBren bereizgarri diren ahalegina, konpromisoa eta hobetzeko nahia beti agertu beharko lirateke abian jartzen diren proiektu guztietan”.
Candinaren hitzetan, “SURNEren babesa izaten jarraitzeak proiektu hau finkatzen jarraitzen laguntzen eta lasaitasuna ematen digu, maila guztietan balio segurua baita, dudarik gabe”.
