SURNE Eskarra Estropada–Garaikurraren babeslea da

Iragan asteburuan, bilbotar Abrako uretan, Abrako Itsas Klub-Real Sporting Clubak antolatuta, euskal belaren egutegian tradizio luzeena duten estropadetako bat egin zen: SURNE-Eskarra Garaikurra. 1964an sortutako estropada hau proba erakargarrienetako bat bihurtu da honezkero, euskal estropadalariek badakite gorriz markatutako hitzorduetako bat dela, eta badute itxaropena beren itsasontziaren izena ikusteko irabazleak jasoko duen garaikur dotorearen behealdeko inskripzioetan. Aurtengo irabazleak izan ziren Mikel Emaldiren “Maitena”, gurutzontzi klaseko itsasontzien artean, eta Ignacio Real de Asúaren “Montarto”, J80 klasean. “Maitenaren” patroia Toño Gorostegui izan zen, zilarrezko domina Joko Olinpikoetan eta munduko txapelduna Doresterekin. SURNE Estropadak edizio guztietako ohiko gonbidatua izan zuen berriz: euria. Dena dela, gutxienez haizea, 18 eta 20 korapilo bitartekoa, eta bi metroko olatuak, lagungarriak izan ziren estropadaren ikusgarritasunerako.