Otsailaren 2an argitaratu da ADECOSEren 2021eko Barometroa. ADECOSE (Aseguru eta Berraseguruen Artekaritzen Espainiar Elkartea) elkarte independente bat da, helburutzat duena aseguru-artekaritzen interesak defendatzea, eta baita, 2020az geroztik, berraseguru-artekaritzenak ere. Guztira, bitartekotza-sektoreko 150 enpresa lider baino gehiago biltzen ditu. Barometro honek aseguru-konpainien zerbitzuaren kalitatearen baloratzen du, bazkidetutako artekaritza-etxeei dagokienez. Surnerentzat, urteko txosten hau da egiten dugun lana neurtzeko modurik onena, zeren beraren balorazioa egiten dutenak aseguru-artekaritzak baitira, eta horien iritzia da guretzat garrantzitsuena, egunez egun haientzat lan egiten dugulako.
Surnek, aseguru-etxea den aldetik, artekaritzen bitartez tramitatzen ditu polizen % 90, eta, hortaz, ahalik eta gehien ahalegindu behar da gure artekariek prestakuntzarik onena eta euren bezeroentzako produkturik onenak izan ditzaten; hortik datoz ADECOSEren Barometroak beste urte batez ematen dizkigun emaitza onak.
Aurten, 127 artezkaritza izan dira emaitzak determinatu dituztenak, 1.305 inkesta baino gehiago eginda. Surnek aseguru-etxe baloratuena izan da Bizi-/Arrisku indibidual, Bizi-/Arrisku kolektibo eta Istripuen adarretan, eta gainera 2. postua lortu du gogobetetasun orokorrari dagokionez. Surnerekin egunez egun lan egiten duten eta horrela baloratu gaituzuen pertsonei: eskerrik asko.
Aitortza honen alderik onena da talde-aitortza bat dela, hau da, zerbitzurik onena eskaintzeko xedez Surnen –bulegotik edo etxetik- dihardugun guztion lana baloratzen duela. Gainera, gustatzen zaigu emaitza testuinguruan jartzea eta ikustea zer aseguru-etxerekin “lehiatzen” ari garen, honetan tamainak garrantzi gutxi duela ikusteko.
Barometro osoa kontsulta dezakezu hemen.
